Sumandar me utarta hon

Sumandar me utarta hon to aanken bheeg jati hain
teri aankon ko parhta hon to aankhen bheeg jati hain
tumhara naam likhne ki ijazat chin gaye jab se
koi bi lafz likhta hon to aankhen bheeg jati hain
mein hans ke jheel leta hon judai ki sabhi rasmeen
gale jab us ke lagta hon to aankhen bheeg jati hain
na jane ho giya hon is qadar hasas mein kab se
kisi se baat karta hon to aankhen bheeg jati hain
wo sab guzre hue lamhaat mujh ko yaad aate hain
tumhare khat jo perhta hon to aankhen bheeg jati hain
mein sara din bohat masroof rehta hon magar johni
qadam chokat pe rakhta hon to aankhen bheeg jati hain
tere koochi se ab mera taluq wajbi sa hai
magar jab bi guzarta hon to aankhen bheeg jati hain
hazaron mosmoon ki hukamrani hai mere dil per
WASI mein jab bi hansta hon to aankhen bheeg jati hain